Fri. Apr 16th, 2021

चितवनमा अत्याधुनिक मेसिनको प्रयोग गरी चैते धान रोप्न थालियो चैते धान

no

चितवनमा अत्याधुनिक मेसिनको प्रयोग गरी चैते धान रोप्न थालियो चैते धान

केही हप्तामात्रै भित्रिएको चारपांग्रे मेसिनले पूर्वी चितवनको रत्ननगर र खैरहनी नगरपालिकाका खेतमा धान रोप्न थालेको छ।

विगतमा मान्छेले धेरै समय लगाएर धान रोप्ने गरेको रत्ननगरको बछौली र खैरहनीको कुमरोजका खेतहरुमा यसपटकबाट मेसिनले धान रोप्न थालेको हो।

यहाँका बछौली र कुमरोज साना किसान कृषि सहकारी संस्थालाई प्रधानमन्त्री कृषि आधुनिकीकरण परियोजना चितवनले ५० प्रतिशत अनुदानमा ६ लाइनमा एकै पटक धान रोप्न सक्ने मेसिन उपलब्ध गराएको थियो। उक्त मेसिनको मूल्य करिब २० लाख पर्छ।

चीनबाट आएको जापानिज प्रविधिको उक्त मेसिनको प्रयोगले थोरै खर्चमा धेरै उत्पादन दिने परियोजना कार्यान्वयन ईकाई चितवनका धान जोन कार्यक्रमका अधिकृत माधव पौडेलले बताए।

उनकाअनुसार पहिलो वर्ष यी मेसिनहरुले करिब ५० विघा क्षेत्रफलमा धान रोप्नेछन्। ‘यस वर्ष रोपिएको धानको उत्पादकत्वलाई हेरेर आगामि वर्ष क्षेत्र बिस्तार हुने अपेक्षा गरेका छौं,’ पौडेलले भने, ‘किसानहरुको चासो र सहभागिता उत्साहजनक देखिएको छ।’

चितवनमा ५ हजार हेक्टर भन्दा बढी क्षेत्रमा चैते धान रोपिन्छ। यस मध्ये परियोजनले ३ हजार हेक्टर क्षेत्रलाई हेर्ने गरेको छ। पौडेलले चैते धानको उत्पादन राम्रो भए आगामि असारमा ती क्षेत्रका सबै खेतमा मेसिनको प्रयोग गर्ने तयारी रहेको बताए।

सरकारी अनुदानमा मेसिन प्राप्त गरेपछि पूर्वी चितवनका ती दुई कृषि सहकारी संस्थाहरुले आफ्ना सदस्यहरुको जमिनलाई चक्लाबन्दी गरेर मेसिनको प्रयोग गरी धान रोप्न प्रोत्साहन गरेका थिए।

Leave a Reply

Your email address will not be published. Required fields are marked *